اعذريني /بقلم اشرف رسلان

أُعذريني يا ......؟
●○●○●○●○●○
ياحبيبتي أُعذريني
لما أنسَى .. فَكريني
إنى  وَريتك  عَذاب
قَلبي بَاع
وإنتِ قَلبِك كَان شَاريني
○○○○○○○○○○○
حُضنك الدَّافي حَنان
و معَاكِ بَحِس الأمان
ياحبيبتي .. أُعذريني
فَكريني
إن قَلبي لِيكِ خَان
○○○○○○○○○○○
كِلمتِك بَلسم جُروح
بَسمتِك تِسعد لي رُوح
لما أنسَى .. فَكريني
إن عُمرِك  مَاكَتمتِ بُوح
○○○○○○○○○○○
عُمري مَاكُنت حَزين
عِشت وَياكِ سِنين
إنخدَعت في قَلب تاني
كان لي جَرح وكان أنين
○○○○○○○○○○○
لما أقولك ياااحبيبتي
إني نَادم......صَدقيني
صَدقي  شُوقي وحَنيني
عُمري ماأنسَى مِش هاأُقولك
فَكريني
○○○○○○○○○○○
كُنت خَايفه لِيه عَليَّه
مااستهِلش
حُب قَلبك كَان كِبير
مايتوصفش
قِيمتُه كَانت عَني تَايهه
مِش باقولك مااستهِلش
○○○○○○○○○○○
عِرفت إنك قَلب صَافي
لَمسِتك للإيد تِعافي
بَعد إيه الوقت فَات
غِيري ليكِ حُضنه دَافي
○○○○○○○○○○○
أنا اللي أستاهل عَذابي
إتحملتي  فِي  غِيابي
وِ سَاعتها كنت بأقسي
كُنت تايه بين صُحابي
○○○○○○○○○○○
كانت الدنيا صَبيه
حِلوة كانت في عينيه
خُنت حُبك رُوحت لِيها
جَرَحتني وعَلمتني
مَعنى الأسيه
○○○○○○○○○○○.
يااللي كُنتِ في يوم حَبيبتي أُعذريني
ياللي قلبك كان شاريني
إنك إنتِ خَلاص نِسيتي
لما أنسَى ... فَكريني
●●○○
بقلمي/أشرف رسلان