هو كلام الشعر صغير /بقلم بتول العتربي

هوه كلام الشعر صغير
ح أكتب وأكتب يمكن أغير
وح تقرانى فى كل الدور
أى معانى بنكتب فيها
من حواليها الدنيا تدور
وأنا فى بحور الشعر باجرب
يمكن أقدر يمكن أقرب
وفى جنتها ياما قصور
ح نعيش فيها نلف ندور
تظهر لينا بنات الحور
وإن كان يومى يوم مسحور
ح ألحق أكتب كلمة وفيها
حكمة ووعظ من المأثور
وأنت ح تفهم كل كلامى
أصل أنا سامى
وفى أيامى علامة تثور
نبت الكلمة دا لازم يظهر
أصل الكاتب كله شعور
ربى خلقنا من الشعراء
وفى أقلامنا حق عطاء
نسحر ياما قلوب الناس
لكن صدقنا فى الاحساس
مهما نقول ونعيد ونزيد
كل كلامنا صدق أكيد
واسمعوا لينا فى التلفاز
أصل الكلمة دى ياما تعلم
وإن كان لها حق الإعجاز
مش راح أغير فيها ضميرى
وح تلقانى منظم سيرى
وأكتب وأكتب وتشوف غيرى
تايه حايس ماله إنجاز
هوه كلام الشعر صغير
# بتول العتربى