نصيحة /بقلم فهيمة يوسف

...................نصيحة......................
................................................
مهمـا عـالفؤاد يزيـد لئمو
.............ومهمـا جرّح الآمـال سهمو
بنسى الآه وليالي الأليمة
.............لمّـا بسمع من النّـاس أسمو

أسمو سـاكـن بقلبي وخيالي
..............وحبّـو  نوّر  بقلبـي الليـالـي
بصدري الآه وبعيني سؤالي
.......صحيح القلب ما بيحب جسمو؟

جـاوبني حنيني وقـال كَـلّا
.............مـالك يــا جـسم بـالقلـب إلّا
شويّـــة آه والآهـــات كــلّا
............نهدى لو عيون السّود  بسموا

مهمـا حـاول البيحـبّ ينسـى
.........لحظة وعالقسي عالقلب  يقسى
ومهما يحاول على البرّ يرسى
.............بحر  الحـب مـا  لـو  برّ  يمّو

رحت بحر الغرام وكان بدّي
........أقطف عن صخور الشوق  وردة
ضاع العمر زهر الفلّ أهدي
............وشوك  الصّبر  بالأهداب  لمّو

تعبت وما عدت أحمل إهانة
...........وحبيبي  بالهوى  قلبو  أنـانـي
إذا الرحمن من حبّي شفاني
............تأكتب  عالورد  ممنوع  شمّو

نصيحـة بقدّمـا للنـاس منّـي
............لايظنّوا  الهوى  والحب  جنّة
نصيحة صادقة وبرهان إنّي
.............صخر  البحر  فكّرتو  حديقة
.......وحدائق بيتنا الأفكار سمّوا ......
...................................................
الشاعرة فهيمة يوسف سورية