تفتكر /بقلم لينا كامل

تفتكر لما رحنا الشانزليزيه
وتفرجناعلى عرض الباليه
دي البلشوي إسم الفرقة يابيه
لو مافهمتش حاجة أنا ذنبي إيه
وتفتكر لما كنا في كوفي
وعزمتني على فنجال كركديه
برّيه منك برّيه
فضحتني عند البوفيه
يوم ماتعشينا ودفعت جنيه
ورحنا بعديها الإليزيه
واشتريت لي أرخص بوكيه
يوميها فطرتك سوفليه
وعالغدا وكّلتك فيليه

ده مش عارف راسه من رجليه
ويأكل كل اللي ف إيديه
حاقطع النور عن عينيه
ده هو اللي قال لي أشانتيه
يوم ماشفته بهدوم السينييه
وجزمته تفصيلها كاريه
وداني قال عنده أتليه
قال فنان ويحب البلسيّه
ومليانه فلوس البورتمونيه
وراسم لنفسه بورتريه
ويحب العالم لينيه
وشوفوا صورته في المنشور أهي
وإبقوا سلموا لي عليه

لو تعرفوا هو بيشتغل بإيه؟!...
هاديكم عشرة جنيه

إنتشروا!؟...
ولا تجوجلوا!؟...

لينا كامل