ساحر في تعالي ///بقلم احمد عبد الحق

ياحروفي تعالي
حاولي تكتبيها
حاولي تخوصي جواها مره
يمكن تشرحيها
هي ايه
نوع غريب من النساء
لاهي رابعه وقت توبه
ولاهي مريم
يمكن تكون اعجوبه
او حتي اكذوبه
جايز والله اعلم
بعتيني ياروحي رخيص
وعشان انت مش مريم
اناعمري مااكون ابليس
انا عمري ماجرحت شعورك
وعشان تلعبي دور
اصلا مهوش دورك
ياانثي جرحتيني
ولعبتي زي ماحبيتي
وبالحنين دبحتيني
طب كنت من الاول
كنت عن حبك منعتيني
اوعي تكون فاكره
انك نهيت الحكايه
لا والله
ده كده هي ده البدايه
بس تسمحيلي بكام سؤال
ايه مفهومك للغرام
انتقام
ولا كان حرف منقوش
ذوقناه بين الكلام
ولا تنهيده بانسجام
ولا ساعة متكوني عاوزه
يحلوالغرام
ولما تكون رافضه
تعيشي في دور انفصام
ويبتدي بنا الخصام
والعناد
والبعاد
والسهاد
حتي المشاعر
بتبقي مشاعر
بس ياخساره منقوشه
محفوره في قلب الرخام
صدقيني بدون مبالغه
انت مريضه
زي مافي اولاد بالنسب
في اولاد لقيطه
وزي مافيه حلاوه
فيه عطب
وناس عايشه حبها
شياله ناس في قلبها
وناس بايعه ناس بتحبها
ودي بقي ناس متاسف
تبقي هبله وعبيطه
صدقيني
زي مافي صدق
فيه كدب
وزي مافيك نبض
يبقي بين ضلوعك اسمه قلب
حاولي تخرجي براك مره
هتشوفي نفسك
انت مش ملاك
ولا يمكن تكوني
في يوم ملاك
انت حاله صراع حقيقي
حاله جواها ارتباك
متاسف لكل انثي
عندها نفس الشعور
نفس الحاله والارتباك
واخده في المسرحيه
اقل دور
--------------------------
تقديري للانثي كونها كانثي
واعتذاري لمن ظنت انها انثي
تحياتي لكل الاناث
احمد عبد الحق