الظلمة طلقت السالف///بقلم محمد البراقي

بعنوان: الظلمة طلقت السالف

هدا  حالي
واش نعمل
الحرف مجدوب
جدبتو   بوهالي
القلم يزمم
 يكتب السبوب
القوافي تجدب
جرحي عميق
جاري نازف
يا العالي العالم العارف
هدا  لمكتوب
نحسني ف همومي غريق
كثرت الدنوب عليا توب
شوف من
حالي....

مابقيت  فاهم
الصح  م الكدوب
م العدو من الصديق
حيران ف  بنادم
نخمم  ف دماغي
شكون  نعاشر ف الطريق؟
نقول مالي تالف
شاك  ف خيالي!!!.....

كبرو الزماحة للقرد الشارف
ينقز فوق اسواري
شرجو اجدع والجدع  زهيق
الدنيا  فانية   جنانها خارف
لركب بحورها ف جوفها ينيق
ايامها مزروبة ها الصمايم
ها الليالي...

الليل رخا جناحو
الظلمة  طلقت  السالف
الدرويش  التقهر
بارد لكتاف
السوق سومو غالي
الظلم بالعلالي:!

29/11/2018
بقلم محمدالبراقي الحسناوي