طاقة نور /بقلم.نهلة علي الديب

طاقة نور
.............
وخطفتنى الحياة منى
         خبتنى من الفرحه
ببص بعينى
       ... من فتحه
         فى باب مكسور
بادارى عيونى بالطرحه 
         وباتخيل
         ف طاقه نور
تمد شعاع .....ف وسط ظلام
         وترسم ع الحيطان
              احلام
ف جنه فرشتها بزهور
         وانا ماشيه.....
       .. ف وسط قصور
وعشت الحلم بجماله
        .. نسيت...
 ان الحياة
واقفه .
بتمنعنى..
.... من الاحلام 
          وقافله عليا ...وسط ظلام
وفكرانى يئست خلاص
ماتعرفشى ..
... ان جوا الباب
           لمحت بعينى....
           ... طاقه نور
''''''''''''''''''''''''''''''''''''''''''''''''''''''''''''''
       🌺 نهله على الديب 🌺