مصر حلوة /بقلم فتحي نجم

مصر حلوة بالشباب الطاهر
العفيف النقي الجميل الفاخر 
والعيال اللي عمالة تلعب
في الحواري وجنب البيوت
والسواقي اللي دايرة
حاضنة الأمل وشجر التوت
والفلاحين في غيط الدرة والقمح شغيلة وشاطرين
كلة شايل الفاس ومن بدري ع الغيط سارحين
عشان مصر تعجن وتخبز وتأكل الشقيانين
مصر ولادة طول عمرها بناس صالحين
مصر آيه غير قلب نضيف
يستوعب البني آدمين
هي ممكن تكون ظروف
بس طارئة وبكرة الحديد يلين
اوعي تقول عليها حاجه
أزعل قوي منك
دا هي عشق السنين
فيها آه سلوك مشين نعدله
والكفه ترجع تاني
ومش ممكن تميل
معقولا نهمل بلدنا
واحنا بيحري فينا مية النيل
عرقنا لوكان عطش
تروينا سلسبيل
قلوبنا لوكات حجر
معاها لازم تلين
دى مصر ام الدنيا 
أرض الهرم والنخيل
فيها كتير ناس غلابه صحيح مش لاقيين
وفيها أصحاب السعادة المليانين
فيها الطيبين وفيهاولاد ستين
وفيها اللي مش لاقيين غطا
و البرد قارص ع الولاد السقعانين
وفيها الغني بزيادة 
ولاد القادة الفنانين
مش عارفين يودوا فلوسهم فين
وفيها الفقرا كتير ياما
منهم بياكلوا من اكوام الزبالة
واللي ع الموائد مرسومين
كتير شبعان من اياهم
وكتير أوي جعانين
ماتفتكرش اني بكره حد أو ناقم
دا شرح بسيط
للي مش واعي ومش فاهم
دا مصر عندي فله
سيره عطره سمعه حلوه
شمعه منورا الليل الحزين
مصر عقد الفل ريحته حلوة
م الشمال أو م اليمين
مصر ست الكل علي راس المحبين 
مصر جوا القلب متصانه
مهما يشمتوا الايميين
مصر توب كبير
كاسية الغني وفايض
ومديا علي قد الفقير
بس بنحبها والحب جوا القلب دفين
بنزيمهم ريحته حلوه خالص
عشان ابن غالي
وجازنا مخلوط بمية ترع
وزيت وسخ ومجاري
الحكاية إنى بحب مصر
ونفسي تكون في الصف الأمامي
الحماية من ربي ومن الجيش النظامي
المرابط ع الحدود اللي عمره ماكان انهزامي
جيشنا عصامي باني وحامي
حرر بلدنا من ابن الائيمة الأناني
شيخ الطرق والكباري الحرامي
رافع رايتنا بين الأمم وعلي البلاد حانِ
مصر كل حاجه حلوة شايفها أمامي
بقلمى / فتحى نجم المنصورة