رحت اصاحب السحاب /بقلم فيفي الجندي

رحت اصاحب السحاب
قالي يومك مني تاب
اشتري منه الحنان
واشتكي لجل الملام
انه يوم راح مني راح
كام رسالة في الهوا
طارت لاتعرف دوا
كانت رسايل الغرام
كتبها وسط الزحام
تاهت منه ولاارتوي
هاشتكيه للقمر
كان في يوم حرفه الجوي
قطع قلبي اللي انكوي
حرق وردة في الكتاب
ضيع كل الذكريات
كان رسمني ع الجدار
سمع صوتي في الصدي
انا مش عوزاه يجيني
ولاهاصدق حنيني
قلبي بالنسبه له مات
انا هاعيش وسط الضباب
هادور علي وشوش في الفضا
يمكن تكون مثلي انا
هارمي كل الذكريات
هاقفل بمفتاح ذاده الالم
مش هاعرف تاني اصدقه
كداب وعيونه بالمنتهي
في يوم هابحث عن طريق
في آخره سكة الهنا
........ فيفي الجندي