هم النجوم /بقلم السيد ابو طاحون

هم النجوم   *** بقلم السيدابوطاحون
*********
من كتر هم النجوم
انا قلت اقوم ..
أتسلى ..
 وازغط جوز الحمام

والنيل اللي ياما
 اتهادى واتعاجب
و الليل في آخر نفس
موال بيتاوب

قفلت ظنوني و عيوني
ناديت ع النوم
مصدقينش
فتحت علبة سجايري
و من قهري
لقيت واحده
ياااااه
حتى السجاير
شداني ع الوحده

شم الحمام الخطر ..
و ريحة الكدب في الكلمات
معقول يجينا السلام
راكب في قطر امريكا؟!

طب من فين يجينا الغم ؟!

مين اللي قال اليهود
لهم في حفظ العهود؟!

شم الحمام الدم
حكالي ميت حدوته
و دموعه نزلت سم
النوم أصابه الخرس
لما ركبني الهم

جهزت سرج الفرس
وقفت وسط الحرس
و السيف ..
في ايده الخريطة
بينادي ع الحكام
*********
#هم_النجوم
#السيدابوطاحون 
#الأخنوم