راجعه ليه /بقلم اسلام عامر

راجعه ليه

راجعه ليه تفكريني
باللي بينا كان زمان
قصدك ايه عرفيني
بعد ما قلبك باع و خان

من بين إيديكي ضيعتيني
ضاع الحب والأمان

راجعه ليه راجعه ليه

كنتي عنيدة قوية

هنت عليكي و جرحتيني
مشيت ف طريق النسيان
داويت ألام كل الأحزان

غيرت بعدك العنوان
ملكيش ف قلبي أي مكان

راجعه ليه راجعه ليه

قلبي اتعود ع القسية
محروم طول عمري م الحنية
مابقاش في حاجة تأثر فيا
لا عمري أمن ليكي واسلم
ولا انجرح تاني يوم واتألم

راجعه ليه راجعه ليه

رافض منك أي عتاب
لاعندي سؤال ولا ليكي جواب
خلاص انا وانتى بقينا أغراب
ما ينفع تاني بينا حساب
وبإيدي قفلت كل الأبواب

راجعه ليه راجعه ليه

راجعه ليه

كلمات إسلام عامر