الاراجوز /بقلم /صبري حسين

( الأراجوز) كلمات /صبري حسين
تعال
قرب
فتح عينك
اتفرج
انا الأراجوز
يمكن تكون حكاياتي قديمة
عارف انه كتير من الجيل ده لايعرفني
ولا عمره اتفرج علي
ولاسمع صوتي
انا الأراجوز
ياما قولت احلي كلام بصوتي
الحكمة والعبرة في قصصي
انا اصل الفن الشعبي
ياما الكبار والصغار اتلفوا حولي
كل ما امشي الاقي الكل خلفي
أراجوز
بتكلم من قلبي
بيدي بشاور علي كل ماهو سلبي
قصصي بسبطة
بطلع الضحكة
من قلوب الكبار والصغار
كلامي سهل بسيط
للي في الجامعة واللي في الغيط
كنت انا البريمو
الكل بيحبني
ياما عملت حفلات في المدارس
كنت ضيف دايم في كل الشوراع
بلف الازقة والميادين
اضحك البنات والبنون
لكن لانه دوام الحال من المحال
مع الوقت اتدهور بي الحال
مع الوقت مابقاش لي مكان
بقيت ذكرة من زمان ولي وفات
خلاص بقيت حكاية من الحكايات
انا الأراجوز
اللي ياما بحركاتي ضحكت
وبصوتي عن كل حاجة عبرت
جه اليوم  علي الرف اتركنت
خلاص عمر الزمان مابرجع اللي فات
انا الأراجوز
بقيت مجرد ذكري من الذكريات
صبري حسين