ارض الامل /بقلم علي عبد الرحيم محمد

أرض الأمل
٠٠٠٠٠٠٠٠٠٠٠٠
بعد اللي خلقنا و حامينا
بعد اللي زرع الامل فينا
أقوى  أمل لينا
هو الجيش هو الجيش
يحميك المولى  ويحمينا
قبل ما توه الحواري
 والشوارع فى المدينه
قبل ما تتشوه ملامحنا
 وتتكسر أسامينا
قبل ماتجوع ديابة الجبل
وتاكل فينا ما تخلينا
أغلي  أمل لينا
 هو الجيش هو الجيش
يحميك المولى ويحمينا
ياأم الأهرام غربة أيامك
 فضفضت لأهرامك
وحكت عن خيوط الظلام
اللي عششت على بابك
اللي شتتت افكار شبابك
وقالت اخوانك زي ارهابك
 زي بعض احزابك
بحركاتهم بنتمأتهم بملتهم
فيهم اللي هانك وفيهم اللي باعك
 وفيهم اللي خانك
فوقي يا بلد واقفي جنب الولد
وصلي وادعي لابطالك
قبل اليأس مايوشوش
 الضياع والحرمان
ويعيشوا فينا
أقوى أمل لينا
 هو الجيش هو الجيش
يحميك المولى ويحمينا
قبل ما يتقال
 دا كان ف يوم من الايام
في كلمة نعم
 ودا كان في كلمة بشويش
وكان في بوق مايه
 وكان في لقمة عيش
أجمل امل لينا
هو الجيش هوالجيش
يحميك المولى ويحمينا
وتعيشى ياام الحضاره الفرعونيه
وتموت مواويلك الحزينه
والجيش يغنيلك احلى اغنيه
قبل الرياح ماتغضب
 على امواج البحر
وتغرق بينا السفينه
اقوى امل لينا
اغلي امل لينا
هوالجيش هو الجيش
يحميك المولىى ويحمينا
على عبدالرحيم محمد