الكلام الحلو /بقلم وسيم ابو وديع

الكلام الحلو حلاوتو أنو حلو....
والأحلا لما منحليه بأنفاس قلوبنا..
خلينا نودع اليوم وبكرا بأنفاس معطرة بحروف حلوة
حلوة أي حلوة لأن الأيام الجاي أحلا أحلا أي أحلا رح ننتصر على كل من عادانا ونسانا الافراح بكانا وملى الدني جراح رح ننتصر أي بأفراحنا الجاي وحبابنا الكانو بعاد ورح يصيرو قراب رح نفتح البواب المسكرا من سنين ونزرع ورود بكل البساتين ...
رح تتسرح يا مسكين اللصرلك سبع سنين وتفرح فيك النسرين والأم الكلها حنين...
أي رح تكون السنة أحلا وننسى  هاك السنين وتبقى ذكراها حنين أي حنين على أحباب راحو وبدمهم سقوها تا نعيش الأيام الجاي بسمي على شفاهنا منسيي من سنين رح تحلا وتحلا مع الحلوين والناس الطيبين خلينا نتفأل بالخير أي الخير الجاي ورافع الراي راية النصر والأيام الحلوة الجاي......
خلي الكلام الحلو  مرسوم على وراق الورد والعطر فايح بين السطور تتكحل بعيونكم بعدو هالقلم عم ينبض حنين بعدو هالقلب بينبض حب وحروف وردية .....

وسيم أبو وديع بين الماضي وبين الحاضر 31/12/2019........1/1/2020