باب انقفل /بقلم عماد الصاوي

من ألفية الصاوى

باب انقفل
على ضل احلام العجوز
حين همت البراويز تراود نفسها غفله
مانزلش برهان ربها والا ردها نطفه
غير دق حلم اتزق من سبعين سنه
واترزع في ميدان
يا حضرة التوهان اذا حضر الولى
ما تدله على عنوان
خلينا تايهين والنبى
حاولين مقام الاجنبى
مدد غبى
لسه مصره تلعبى
مات العجوز وفي غفله انتصب
تمثال ورق تمثال لجاه تمثال دهب
النار لامست جاه والا مست دهب
غير الورق حضن الحقيقة وهى نازله تنحرق
كان حلمه ايه
مات اللى واقف ينتظر