سوق الجواري /بقلم يحيى نفادي سيد

((( سوق الجواري )))

يا اللي نويت م سوق

الجواري تبيع للقلب محبته

سوق الجواري جبر زمانه

و فض هواه وراحت دنيته

لو كنت فاكر ها تشتري سعد

قلبك ببيع هواك ما كنت

لبست توب دنيته

وما كنش الدمع يغرق بحور

الملام والكلام يبكي على غربته

يا خسارة أسيرك م حب راح

كل يوم بتزيد دموعه وحسرته

يا اللي نويت م سوق

الجواري تبيع للقلب محبته

&&&&&&

لو تبيع ودادك وبوارج

أشواقك تبقى ظلمت قلبك

وظلمت دقته

ولو صدقت ف يوم نسيانك

تبقى جنيت على عواطفك

ورضيت بمذلته

آه لو تعيش ف الحب

فرح أماله تلاقي الأمل

ينادي ع طلته

عيش بالحب تلاقيه ف عيون

الناس بيع وشري وسوق كبير

والوصل تسعيرة فرجته

يا اللي نويت م سوق

الجواري تبيع للقلب محبته

***************

يحيى نفادي سيد