وزي مافيه غروب الشمس /بقلم احمد عبد الحق

وزي مافيه غروب الشمس
جي فجر بيوم جديد
وزي ما يموت حبيب
وقت المغيب
المهم هناك مليون وليد
---------------------------
هي فكره
تكتب حروفك تكتبك
ترسمك حس بمشاعر
توصفك
تمنحك عرشك كشاعر
عارفه لما احس بحنانك
بنتفض
اجمع حروفي
شعور كل مااشتقلك يتولد
يتهد خوفي
المح حضورك بعيني
يهدا كسوفي
هي كان حلم عندي
ولا دعوة
واخرتها استجابه
هي كانت حروف بحب
ولا انتفاضه من جوه قلب
ولا كانت دي دعابه
والله مع اني شاعر
لما احسك
كاني لسه يادوب
بتعلم قوانين الكتابه
لمااحس بحنانك
بطمن بجد
زي مايكون حنانك سؤال
بس سؤال مالهش رد
بحبك...اه بحبك
مقدرش انكر ولا اداري
حب الشاعر مش اي حب
وعمري الشاعر مايمنح قلبه
لاي حد
بحبك..ايوه بحبك
هو عيب الحب يعني
ولا حرام
ولا مكتوب نعيشه بس
شعر وغني وشويه كلام
بحبك ...اكيد بحبك
مش اكيد
ده مكتوب احبك
ده قمر
ودي يادوب ورقه شجر
وهناك قدر
لما يقول كلمته
متقدرش تعنده ده قدر
احمدعبدالحق