لقاء العيد /بقلم.نهله.علي الديب

لقاء العيد
🥀⁦🌬️⁩🥀       
وعدني بأنه دايما معايا
صدقت وعده
ولو كان بيكدب عليا هصدق
كلامه
لأني ... بكدبه بحبه

وعدني بزهور الربيع الجميلة
وقرب ... ووشوش
عيونك جميلة
وخجلي بغزله 
خطفني ... ووده 
نساني كدبه

وقالي دلالك يزيدك جمال 
عشقت الدلال
وتاهت مع الهمس
بُعد ووصال
يعوضني قربه

وطالت ليالي البعاد
والفراق
وحسيت ببعده نهاية اللقاء
وعدت ثواني وكانت سنين
نسينا الحنين
وضيعني هجره

ومرت سنين
جمعنا القدر بمكان كان بعيد
وبعد الرفض لكلمة سماح
لقيتني لحالي بوسط البراح
وبتمني أشوفه
وبتمنى أقابله

وفجأة
وبعد العناد البغيض
لمحته بعيد
وجريت مشاعري
وسابقتها
أقوله واحشني
وقالي بحبك
وحضنه كأم تطمن وليدها
تهدهد على خوفه
بلحظه تضمه

وعدني بقربه لبعد الممات
وبالوعد بينا النجوم
كات شهود
والبدر غيران وراح وإختفى
مقدرش يسمع كلامنا وغرامنا
حسدنا الحسود
ولقانا كان لقاءا لعيد
بيبعد ويخلص
ويرجع ..يعود
.........
نهله علي الديب/ مصر