لماذا السم أحياني /بقلم سياده العزومي

سقراطة الشرق/ سياده العزومي

ديوان الاغاني /

         لماذا السم أحياني ؟!

قال أيه جي يعيده تاني

دنا قلبي شاب من أحزاني

لا قلبي ح يرجع زي زمان

ولا الزمان ح يرجع من تاني

كانت كفاية نظرة منك

أسهر  فيها  الليالي

احكي ليها عني وعنك

عن حب  غالي

كانت كفاية لمسة ايديك

تزيد نار شوقي ليك

همسة شفايفك

رقص قلبك

تدوب روح الوجد فيك

شوف ازي قسوة قلبك

خلت الدنيا ماليها طعم عندي

عايش فيها ومش فيها ومش بيدي

تمر الأيام زي الأيام وتعدي

شوف إزي قسوة قلبك

خلت قلبي ينسى قلبي

ينسى حبك

ولو فات في خيالي طيفك

أقُول ياريتني ما شوفتك

ولا يوم قابلتك

ولا عرفت الحب وعرفتك

شوف إزي قسوة قلبك

سرقت  عمري  مني

سرقت أحلامي وأمالي

ومعدتش لي حاجة تاني

ومعدتش فاكر قلبي

 غير غدرك

وخيانة قلبك لقلب

عاش يحبك

قال ايه جي يعيده تاني

دنا قلبي شاب من أحزاني

مازلت أغني لكم

كل عام وأنتم بخير أحبتي

ليطرب الشرق علي أنغام

سقراطة الشرق/ سياده
عضو اتحاد الكتاب بمصر