ابن الصعيد /بقلم سيد المبروك
ابن الصعيد
للشاعر/سيد المبروك
*انا ابن الصعيد يا وطن.وليا ف التاريخ علامات. و شهامتى معروفه مش محتاج ف الهوا حكايات .يكفينى كرامتى دايما اول الحسبان......
*انا ابن الصعيد..بالجدعنه معروف.و وقت الجد صيحتى تهز ألوف.وف عز المحن يهرب من طريقى الخوف.انا صعيدى فخر للأوطان.....
*انا ابن الصعيد..وعلى ارضى رمز الكبرياء العربى. شهامتى للسما توصل و منوره دربى.قوم يابن الأصاله والفخر عرفهم العنوان......
* انا ابن الصعيد..ومش واد خيخه كده وفرفور .و اسمى فوق حيطان مجد الوطن محفور.لا يمحيه شجن ولا احزان.........
*انا ابن الصعيد.وتوبى له هيبه وعمتى رمز الوقار والطيبه.وعبايتى على اكتافى ما بتقبل العيبه. و عصا ف ايدى وكدا انا سلطان........
*انا ابن الصعيد..بيقولوا فين الجمال. دى الحرمه عندكم يادوب تربى عيال..قلت الجمال عندنا لكن لازم الجمال يتصان............
*انا ابن الصعيد..عندنا الجمال ربانى.ومش مانكير ولا كوافير ولا محذق ولا ملزق ولا شعر ف الهوا بيطير.ولا وش مزيناه الوان...........
*انا ابن الصعيد..قالوا عليا نكت بشكل سخيف. و بتحمل واعدى لانى عنيف.ولو داقوا عنفى يبقى. عليهم الرحمه والأحسان........
*انا ابن الصعيد..قالوا دا جاهل واخره يركب حمار . طلع الزعيم البطل مع ظباط احرار.ناصر وكان نصير كل فقير غلبان..............
*انا ابن الصعيد..قالوا فين العلم وانت كارك تزرع وتقلع.طلع عميد الأدب طه ومين يفهم ويسمع. ان الصعيد منبع الأدب العربى بكل اتقان.....
*انا ابن الصعيد.. ولو جاهل متعرفش عاداتنا.تعالى وشوف بحور الكرم مغرقه بيوتنا.مش هتاخد واجبك ف مطعم ولا ع القهوه تشرب الفنجان......
*انا ابن الصعيد..وبلادى تاريخ وحضاره. ولو عمت عينك عن تاريخنا البس يا غشيم نضاره.احنا اثارنا. معمره بلادنا من الجيزه لأسوان...........
*انا ابن الصعيد..روحى فدا بلدى ومش كلام و خلاص .انا جندى ف جيش بلدى مدفعجى وقناص. ترخص الروح وترابك يا وطن والله ما يتهان......
*انا ابن الصعيد..وراح ابويا واخويا وعمى وجارى شهيد.دمى سال فدا وطنى بدون ترديد.اصل الشجاعه عندنا تكتب ف الف ديوان.....
*انا ابن الصعيد..ومن ارضى طلع رئيس و وزير و سفير و طبيب و قاضى على منصة العدل والميزان.
*انا ابن الصعيد.. ودايما الكل ناسينى.لا مدرسه لأولادى ولا مستشفى تداوينى . ولا تخطيط عمرانى ولا مشروع اسكان..........
*انا ابن الصعيد.واخر كلام يتقال.انا اسد صامد وقت المحن كيف الجبال.شرفت بلدى ف جيش بلدى او شرطه مبعرفش المحال.وم الأخر عمر الصعيد ما اتولد على ارضه جبان............
🌷🌷🌷🌷🌷🌷🌷🌷🌷🌷🌷🌷🌷
نحن قوما منذ القدم....شرف الأمم
شاعر مصر والصعيد.. ..
سيد المبروك
تعليقات
إرسال تعليق