واسفي /بقلم الهادي عباس
------------- وأسفي... --------------
لا عاد للفرح طعم
ولا عاد للود قيمة
وأخبار تجيك كاللغم
تحير الاوجاع القديمة
..........................
لا عاد
للفرح ميعاد
ولا عاد
للفرح ناسه
تغيرت
اطباع لعباد
ونشط سوق النخاسة
وأصبحت وعاظ نقاد
يشكك المار في لباسه
ولا عاد كبير قداد
ملآن بالنصح كاسه
ولا قائد به نقتاد
كان وجوه التعاسة
نتأسف لحال لبلاد
ومصادر ثراء بالنجاسة
وصعود نجم الأقهاد
المخروم مهدود ساسه
والباطل والظلم زاد
والحق قالوا جريمة
والكل تخدم أضداد
يتجمعوا كان في الوليمة
.............................
لا عاد للفرح طعم
ولا عاد للود قيمة
واخبار تجيك كاللغم
تحير الأوجاع القديمة
الهادي عباس- تونس
تعليقات
إرسال تعليق