ياغريب /بقلم علي عبد الرحيم

ياغريب
؛ ؛؛ ؛؛؛؛؛؛؛؛؛
يا غريب فينك
نسينا ملامحك وصوتك
نسينا كلامك وسكوتك
وروحك هيه اللي عايشه فينا
كل لحظه تلاقينا
بننده على ايامك  وسنينك
يا غريب فينك فينك
جوانا بحور حنان واشتياق ليك
جوانا عصور حرمان  من عنيك
ليه عصفور طاير طاير
بعيد ف سما تانيه وحاير
ليه زي الزمن ع القلب
قاسي واه وجاير
هو دا التمن  هو دا الوعد
اللي بين قلبي وبينك
يا غريب  فينك فينك
احنا ع الوعد  من سنين
مابيدقش لغيرك القلب
وغير ملامحك مابتعشق العين
ابعد وابعد وقلبي مسامحك
مهما تعدي الايام والسنين
انت الحب انت القلب
انت العمر ياعمر  قلبي
فين ايامك فين سنينك
فين الوعد اللي بيني وبينك
يا غريب فينك فينك
قفلت عالقلب بابي
وقلت انت اهلي وصحابي
ليه يا كل احبابي
تكون غيمه وعتمه وحده
عايز تهجر أهجر وحده وحده
انت ف القلب للنهاره
سيب ولو دقه حلوه ذكرى
تشكيلك وتحكيلك ع اللي
كان وكان بيني وبينك
ياعمر قلبي فينك
يا غريب فينك
كلمات على عبدالرحيم محمد