جبين الحب /بقلم. عبدالصمد عبده

من ديوانى السادس(جبين الحب)
(اعجاب وتعليق)
عملتلى فى  يــــوم اعجــــاب
لقصيدة  حب  شافتـــــها
على الخــاص  بعتتلى الوردة
ولقيتنى بشـــم  ريحتــها
من  طبـــعى انا  والله  ياناس
أشكر واوصـف  حلاوتها
رديت  انا   قلـــت  اتعـــــرف
وبقلبى رسمت  صورتها
بعتتلى  الصـــــورة  ببسمتها
سحـرت  قلبى بشقاوتــها
انا  لــما شفـــــت  جمـــــالها
وفى لحظـة اوام حبيتـــها
فيها حســـن عجيــــب ربــانى
وبيظهــــر من بسمتـــــها
والشمـــس تغـــير لو طلعـــت
لو سمعـــت يـوم همستـها
وبنسمــــة صبــــــــح تعــــدى
تعزف بالشوق ضحكتـــها
والحــــــب بيســـــأل قلبــــــى
ما تقولى دى ايه حكايتها؟
والليـــــل ونجــــومه تعــــدى
تتمنى جمــــال نظـــــرتها
وانا ويا الشـــوق سهــــــرنى
قلبى بيحـــضن لهفتــــــها
زجل عبدالصمد عبده
عضو اتحاد كتاب