الحكاية /بقلم احمد عبد الحق

الحكايه
مش حكايه خيانه جسد
ولا انك تخون حب بوعد
ولا بنت وخانت ولد
الخيانه انك تكون
حابس دموعك جوه العيون
وتبيع ضميرك للابد
-------------------------
زمان وقبل مااتولد
كانوا يحلموا
بعروسه حلوه تجيب ولد
وهناك طلعوا القمر
واحنا لسه في غباء
في انتظار قدوم الولد
حضر الولد
كسر الايدين اللي زرعت
كسرت الضهراللي اتسند
يادي الخيابه
ياوكسه علي الناس الغلابه
اللي حلمت حلم الديابه
ونسيت ان فيه هناك اسد
بنت ولد ...
شايب وكومي
وحد الله وقول يامدد
------------------------
الخلاصه وبساطه
الخيانه ..خيانه روح
خيانه نفس
اصل لو فيك احساس يحس
احساس وبس
وبامانه
لو بعت نفسك
لو اتخرس حسك
هي دي اكبر خيانه
لو انت عايش
بتوهم نفسك انك لسه
في الدنيا عايش
وانت ميت الف مره
جوه نفسك
جرب مره تسال ضميرك
انت ليه خنت نفسك
-------------------------
احمد عبدالحق