العيد هاهو /بقلم ميلمي ادريس

السلام عليكم
- قصيدة : العيد هاهُو.
- بقلم وصوت : ميلمي ادريس.
- العيد ها هو .
- وَعلاش يا بني الإنسان.
- العيد ها هو .
- وووواشنُو دار الزمان.
العيد ها. هو.
الصَّادقْ فْكلَمْتو عَيَّان.
- العيد ها هو.
-والربَح. دَّاهْ اللي خَان.
- العيد ها هو.
- آاااااشْنو دَرُو الصَّبْيان.
- العيد ها هو.
- الغَنِي مَا ٱرثَى علَى الجِّيعَان.
- العيد ها هو.
- بْنادمْ بْالحرَامْ شَبْعان.
- العيد ها هو.
- والحَيَوان جَالسْ عَطْشان.
- العيد ها هو.
- قلَّةْ النِّيَّة غَلْبَت الشيطان.
- العيد ها هو .
- العبَاد غَادْيِينْ فدرُوبْ التِّيهَان.
- العيد ها هو.
- وْعلاشْ يَا بَنِي الإنْسَان.
- العيد ها هو.
- حرَقْتِي الشْجَر وغْصَبْتِ الجْنان.
- العيد ها هو.
- لَحلاَوَة مْشاتْ ؤُوتلَف المَرجَان.
- العيد ها هو.
- الصدَا غْلاَ والدْهَبْ عَيَّان.
- العيد ها هو.
- الأَصلْ هْزلْ ؤُوالوْسَخ مَزيَان بَالْمَزيان.
- العيد ها هو .
- لاَ خَاوَة لاَ ٱحتِرامْ الجِّيران.
- العيد ها هو.
- القْتيلَة بالحُرُوب .....آاااااشْهاد الطْرْقان.
- العيد ها هو .
- المْقاتْلَة بْحالْ التِّيران.
- العيد ها هو.
- الضْعِيف يَمْشِي ؤلَّقْبُور زَربَان.
- العيد ها هو .
_أغِييي كُورُونا اللِّي جَات فالبْلاَن .
العيد ها هو .
_أَفِييقْ ؤو باَاارَكة عْلِيكْ مَنْ البُهْتان .
العيد ها هو.
_يَا اللِّي غيَّرتِي المْكان.
العيد ها هو.
_الرجُوعْ لله المُقْتَدِر الرَّحْمان .
العيد ها هو .
- ربِّي احفَظْنا مَن الطُّغيان .
- العيد ها هو.
- وَسْترنَا بْجاهْ النَّبِي العَدنَان.
- العيد ها هو.
- واحفَظنا مَنْ صْحابْ الشِّيطان.
- العيد ها هو.
- وٱغَلَّبْنا على نْفُوسْنا يَا رَحمان.
- العيد ها هو .
- ؤُوشْكُون خَافْ مَنْ مُولاَه .
- ؤُوحَقَّق المِيزان.
- والسلام عليكم ::
-بقلم وصوت . ميلمي ادريس.
المغرب /فاس/26/05/2020
-