ماتخدش /بقلم علي ياقوت

ما تخدش

ماتخدش فى بالك
وافرح انت وعيالك
وايديها بالسرمة
تلقاها جيالك

هى الدنيا ايه غير
 دمعة وضحكاية
وجملة مكونة ل
حكاية ورواية
وعمرك ما حتلاقى اجابة
ياحلو لسؤالك

يبقى خلاص عيشها
وغير رطوشها
وانتفلها ريشها
واوعى تخليها
تتحكم ب احوالك

خليك عليها ريس
وامسك الدفة كويس
وعقلك فطن كيس
فى فعلك واقوالك

واوعى تنسى ناسك
دول منجلك وفاسك
فى الشدة حراسك
ابوك على الراس
وعمك وخالك

ومتعملش حساب ل الدنيا
هى بتروح فى ثانية
وفى لحظة والتانية
تستغنى عنها
تلقها مشيالك
ومتخدش فى بالك

على ياقوت
مصر