جيالي ليه/بقلم علا محمد.

جيالى لية
ودمع حاير جوة عينك
كان نفسى نفسى اجبلك ورد احمر
يكون شهود بينى وبينك
كان نفسى اقول
ان ال بينا ميضعوش حبة زعل
انا كنت صالب عودى بيكى
انتى وشوية امل
 نفسى اقولك كلام كتير مقولتهوش
انا سبت قلبى لك امانة
ول النهاردة مطلبتهوش
كان نفسى اترجاكى عنى متبعديش
انا يوم وعدتك ان عمرى مبكيكيش
وصنت وعدى
دمعك دا غالى وال بيننا عندى اغلى
انا مت فيكى الف مرة
مقتول  ف حبك وقلبه طاير
حب الاميرة الطيبة ام الضفاير
حب البراءه ال ف عنيها
وجاية برضو بدمع حاير
انا بعت عمرى واشتريتك بالحياة
وكنت راضى
ونسيت معاكى قسوتى ..ونسيت عنادى
لو ناوية انك تبعدى
مش هامنعك
اتكلمى وانا هاسمعك
انا كل املى ان اسعدك
لو عايزة فعلا تبعدى
انا هابعدك💔
علا محمد✍️

تعليقات

المشاركات الشائعة من هذه المدونة

رجاء 2019//بقلم فؤاد الفائشي

قصص خياليه /بقلم عادل بن مبارك باعطيه

سأسكت /بقلم محمد احمد