حبيتي //بقلم منال عبد الهادي

حبيتي:
نقطتين وبعدهم تحية
حبيتي يا اغلى هدية
اقولك إحساسي ..ولا
إنت ادرى باللي بيية
حبيبتي
يا قلب عايش جوايا
وضحكتي لما يزيد بكايا
ونور طريقي ودنيتى
وشبابي وأيام صبايا
حبيبتي
بدور ف حروفي عن كلام
يوقلك ليه عينية مابتنام
بخاف عليكي من رمشي
وبموت لويجرحك ويمشي
حبيبتي
حبيبتي ياحكاية متقسمة
واجمل ضحكة متبسمة
صورتك ب قلبي مترسمة
حبيبتي
انت البداية لحكايتي
وانت اللي بترسم نهايتي
وانت اللي دايما تفتكريني
واما اسيبك وامشي تدعيلي
حبيبتي
يا حلم بعيش بستناه
انت اللي بتشيلى الآه
وبتدي طعم للحياه
حبيبتي
نقطة. واخر الكلام
دعوتي قبل المنام
 يحقق لك الاحلام
منال عبد الهادي