الإشاعة /بقلم عمر بنحيدي

قصيدةزجلية : الإشاعة.
ما بقات  قناعة
النفس طماعة
كل واحد فاتح إذاعة
يروّج  الإشاعة :
 أخبار لمّاعة
  كذّابة و  خدّاعة
 ف. نفس الساعة
 يبلعها اللي ما عندو  مناعة.

تخلّٓطْ التِّبر بالتراب
كيف الماء و السراب
الإشاعة تبيض لون لغراب
كل واحد يدّعي الحقيقة
بكلام يدير الشقيقة
ِ خاصاه لبنيقة (1)
يعرف حدود المعقول
مايبقاش حال فمو كمهبول 
يوزن قبل ما  يقول
و على لسانو يكون مسؤول.
(1) : السجن.
عمر بنحيدي 2020 /19/3.