استر /بقلم علي ياقوت

استر

استر استر ياستار
دا المضوع مطلعش هزار
دا الموضوع طلع بجد
وانا لوحدى كنت حمار
العالم بيغلى من حوالينا
واحنا وخدينو بستهتار
لا يلا بينا نلم الدور
ونقعد كلنا خلاص بالدار
مش محتاجة منا طالعة
وبلاها ياعم الكام مشوار
ولا عاوزين نروح سوق
ولا عاوزين فاكهة وخصار
وكفاية علينا وجبة واحدة
ان كانت عشا ولا فطار
والكولنيا فحل بصل
ورش البيت سم فار
طول الاسبوع بقت كورنا
واخر الاسبوع تقلب باعصار
شكلها حتقلب بغم ياخال.
والعيشة  حتبقى مرار
اكيد فيها حاجة غلط
نصححها ب استغفار
ودعوة حلوة كده الصبح
للاهل ول الجار
يمكن ربنا يرضى علينا
ويصرف عنا اللى صار
وترجع الفرحة ياعم لينا
بدال الخوف ليل ونهار
قولوا يارب قولوا يارب
احمينا ياعزيز ياجبار

على ياقوت
مصر