طيفك بيشاغلني /بقلم اسماعيل الطواب

طيفك بيشاغلني
-------------------
مش قولت الل بينا
وكل شعورنا
ماضي وفات
وكل اشتيقانا
داب من فراقنا
و مات ف البعاد
وإن الحنين
تاه ف السنين
وضاع مع الأوقات
طب ليه بيشاغلني
ويجي يزورني
 طيفك ساعات
وليه بلاقيك
وبلمح عينيك
ف كل الحاجات
ولا دا شوقي
بيجري ف عروقي
ويندهلك ف الدقات
ولا خيالي
راسمك قبالي
بتشاورلي بالضحكات
 يا إما تجيني
تداوي ضنيني
 وتنسي العناد
يا حفضل أحبك
وأنده لقلبك
ولو في السكات
____________
بقلمي
إسماعيل الطواب