ياناس /بقلم علي ياقوت

ياناس

ياناس فهمونا
هو غاز ولا كرونا
والنبى حددو ب الظبط
بلاش تحيرونا
نقعد فى الدار
ولا نمشى كفاية زهقتونا
والعيال ملت خلاص
والله ادبونا
والنسوان الوش فى الوش
خلاص حيولعونا
شفولكم حل ياناس
شكلكم حاجننونا
سجن كبير صنعتوه
وفيه حتطونا
اخرتها امتى امال
ياعالم خبرونا
مش كفاية ضحتكوا علينا
وفى البيت قعدتونا
وقولتوا بكرة حتفرج
تعالوا فرجونا
شكلها كده حطول
وتطلع عين ابونا
ما جيبوا كده من الاخر
امتى حتخرجونا
كبوس وعملتوه بايدكم
ياعالم ارحمونا
وبصوا بعين الرحمة
خلص الخضار واللحمة
وفى وهم
عيشتونا

على ياقوت
مصر