بحبك يا امي/بقلم ايمي احمد

بحبك يا امي

=======

فى عيدك بقولك بحبك يا امي

وحبي خلود

واسمك فى دمي وحبك فى قلبي

يانبض الوجود

فى حضنك حنين يداوي الانين

بعطفك يسود

وانتي الامان ومعنى الحنان

لحضنك أعود

وانتي هنايا فى لحظة بكايا

وعز الشرود

تملّي معايا وجنبي فى همي

يا جبل الصمود

وهمسك وديع وروحك ربيع

وصبحك ورود

فى حبك بطوف وعزفتك حروف

اغاني بعود

رضاكِ الحياة وطوق النجاة

بدعوة سجود

وبركة دعاكِ فى ساعة صلاتك

تشقّ السدود

رقيتك يانور بعطر البخور

بعنبر وعود

يصونك الهي من شر الحقود

وعين الحسود

ايمي احمد