الدنيا غروره//بقلم زغلول الطواب

الدنيا غروره
زي الكوره في المعب
من رجل لرجل بتذهب
والشاطر إللي يقدر
يجيب جون ويكسب
بالحب والموده
والصدق والإخلاص
يعيش طول عمره
مقامه عالي بين الناس
الدنيا مالهاش أمآن
لو غلبك النوم يا ولدي
 نام كيف الديابه
عين رايحه ف النوم
وعين دايمآ قلابه
أوعاك يغرك ضى القمر
ف لحظه تداريه سحابه
ولاد الليل لو جاعوا
ياكلوك ولا يرحموك
كيف الكلاب السعرانه
يا نافش ريشك
فوق عروشك
خلي بالك م الزلات
لسانك حصانك
إن صنته صانك
ولو هنته هانك
ولاد الحرام كتير
ياما البطن قلابه
وإللي يتقي ربنا
عيشته تبقى سعاده
وإللي يطاوع الشيطان
عيشته تبقى ندامه
وإللي يرحم والديه
ربنا يرضى عليه
وإللي يتمرد عليهم
عيشته تصبح ندامه
يا عاق والديك
ليه العقوق والنداله
لو تعرف كيف ربوك
وكيف شقيوا عليك
وياما خافوا عليك
ويتمنوا ليك السلامه
هتشيلهم فوق راسك
وتبوس رجليهم قبل إديهم
وتتمنى رضا والديك
وتستغفر ربك كتير ويامه
علشان يرضى عليك
قبل ما تصيبك الندامه
هتعيش حياتك متحير
الدنيا هتديك ضهرها وتتغير
وعمرك ما تبقى سعيد
والفقر حليفك يا عبيط
هتاخد أيه من الدنيا
غير خيبة الأمل والتعاسه
يا كانز المال أسمع
المال بدون فعل الخير
عمره ما ينفع
هتعيش طول عمرك
جعان ما ف يو هتشبع
لو صابك مرض خطير
كنوز الدنيا ما تشفع
إرحم نفسك يا بخيل
بكره هتسيب المال لغيرك
ولا هتاخد منه هبابه
يا أبو العيال
خلي بالك من عيالك
ربيهم زين وعلمهم
وإوعاك تنسى مراتك
هى المدرسه لعيالك
عاملها بالرحمه والكرم
وشيل جميلها فوق راسك
أياك تبص لغيرها
ويغريك الجمال
هتندم لو الجمال صابك
هتعيش ما بين إتنين
تنافق وتكدب
وهيتبدل كيانك وحالك
يا أم العيال خلي بالك
جوزك راجل عال
بس إنتي مش واخده بالك
كوني له زوجه بالتمام والكمال
هيعيش طول عمره خدامك
إوعي يغريك الشيطان
وتبصي يمين وشمال
ولا مال ولا جاه ولا سلطان
هينفعوا يا أم العيال
خافي من غضب الله
قبل عذابك وعقابك
إحمدي ربنا على الستر
وصوني جوزك وبيتك وعيالك
قبل ما تناسب حاسب
إختار بنت الحلال
والأصل المناسب
وإختار لولادك خال
يكون راجل زين مناسب
بنت الأصول هتصون
وبنت الشمال هتخون
غربل قبل ما تناسب
خواطر بقلمي
زغلول الطواب