موال //بقلم ناهد الموجي

موال
.........
يا ليل يا عين يا ليل
يا الي انت شاري الرخيص
ودفعت فيه غالي
وكتبت اسمه علي نجماية ف العالي
وقلت خلي هو عزوتي ومالي
روحي يا دنيا كفاية أن الحبيب جالي
خبيته جوي العين وف النني
وقلت مين الي يقدر يخطفه مني
أموت انا لو يبعدوه عني
يااااليل يا عين
فرشت له الارض حنية
وزرعت له ف دروبها جورية
ليلي نهاري باسقيه ملاغية
وكل عهدي معاه الصدق ف النية
يا عين يا ليل
ف ليلة مالها نهار
بدل حياتي نار
سقاني كاس المرار
سابني بدون اختيار
يا عين يا ليل
ياااعم يا بنا
شرد الحبيب منا
تعالي وابني لي
جدار وعالي لي
لا اروح ولا يجيلي
أصبح غريب عنا
يااااليل ياااليل يا ليل
بقلمي
الشاعرة ناهد الموجي