الى حبيبتي //بقلم محمد جمال فايد

إلى حبيبتى مع ميلاد عام جديد

إسمحيلى أسكن فى قلبك
.................وافرحى بحبك معايه
علشان نعدى ياحبيبتى
.................. أيام العمر إللى جايه
واسألى نفسك وجاوبى
.................هيه إيه اصل الحكايه
ليه سكنتى جوه قلبى
...........وليه صرتى روحى وهوايه
وليه غبتى العمر عنى
..................وانت علاجى  ودوايه
وليه أحبك حب راقى
..................وتكتبى لعمرى البدايه
حب مااسمعناه فى قصة
.................ولا شفناه فيلم وروايه
حب فيه إخلاص حقيقى
.................والجميل حسن النوايه
والجمال فى الروح واخدنى
...............لحب غالى مالوش نهايه
أنام وأصحى فيه جوه حضنك
......ورموش عيونك سترى وغطايه
وانسى كل هموم صابتنى
.............كانت سبب حزنى وشقايه
يا أجمل هدية من رب البرية
..إللى أملى رضاه والسماح والهدايه
................مع تحيات...................
..............محمد جمال فايد..........
...........جمهورية مصر العربية.......
..كفر شبرا زنجى الباجور منوفية...