لو انتي فاكرة //محمد البريمي

لو إنتى فاكرة ..
لو إنتى فاكرة إنك غلبتينى .. تبقى غلطانة ..

و ف شباك حبك  وقعتينى .. بعيونك السهتانة ..

 فاكرة نفسك أميرة بصحيح .. لما عذبتى قلبى و صار جريح ..

كل قلوب العشاق  مجاريح .. ياما دابوا فى الهوى و الريح ..

فاكرة نفسك مين .. بنت السلاطين ..

دا إنت يا دوب عصفورة .. ف عش المجانين ..

كل يوم ف مكان .. ما لكيش عزيز و غالى ..

و انا قلبى ندمان .. على سهر الليالى .

ما فيش ف جمالك حد .. ف البر و ف البحر ..

آخرك  عيون جميلة .. لكن مليانة مكر ..

خلاص شطبتك من حياتى .. مالكيش نصيب فيها ..

و ح أعيد تانى حساباتى .. و هدور عليها ..

كفايه عناد و غرور .. سكتك غير سكتى

خلى الطابق مستور .. منتش قد قسوتى

بلاش تبصى لفوق .. ما حدش هينفعك  ..

إن كان غلبنى الشوق .. هواكى راح يخدعك ..

بقلم  الشاعر .. محمد البريمى ..