اصحى يانون // بقلم اسامه جديانه

أصحى يانوم
وم تبقى كسول
ماكفايه نومك طول الليل
كده هتخلى الجسم عليل
فى ناس وراها مصالح
نومها يدوب وقت قليل
واللى عايز اليوم يطّول
ونفسهم النوم م يجيش
لما يخلص شغله الأول
بيدور على لقمة عيش
واللى بيكسب بالتلفون
أكله كافيار وقراميش
طول ليله سهران ف بارات
ونهاره مقضيه تهبيش
وشباب دماغه فاضيه
مش عارف أزاى هيعيش
بابا وماما شايفين خاطره
أكل ولبس وشرب حشيش
صاحب العيال نفسه يرتاح
ليله ونهاره عايش تلطيش
زمان قالوا البدرى منسى
قوم م الفرشه بلاش تطنيش
رزقك مكتوب قوم وأسعى
لو هتنام رزقك م يجيش
أنسى النوم دور على حالك
عمر النوم م يأكل عيش
                                 ( أسامه جديانه)