ودعنا عام //بقلم يحيى زكي

...............(ودعنا عام)...............
ودعنا عام ....
زى اللى كان قبليه....
عام جديد مولود ......
يرسم ع الخدود .......
بسمه ويمسح دمعه ...
عن العام ال قبليه .....
واقف قدام .............
بلوك النتيجه ...........
ولآول ورقه قطعتها ...
عاشت معايا ............
كل لحظه بحلوها ومرها
تقطف م العمر...........
يوم ووراه يوم ...........
زى ال كانت قبلها ........
سقطت معاها كتير وجوه
سرقت منا ملامحنا .........
عاشت جوا حياتنا ...........
دخلت جوا القلب ............
قدرت تخدع وتجرحنا .......
كان على حب غالى .........
غالى لما باعوه ...............
سقطت ورقه ووراها ورقه...
تاخد معاها ياما احباب ........
كانو وسطينا اغلى مالينا .......
عن دنيانا رحلو للتراب .........
ذكراهم لسه عايشه بالقلوب......
نفتكرهم نضحك نفتكرهم نبكى ..
نترحم عليهم ونقول مكتوب .......
لورقه جديده اترمت ................
لكنها علمت ..وسلمت للمكتوب ....
وورقه تسرق احلامنا ..............
وتركب قطر الريح قدامنا...........
وتسلمنا لارض الشوق ..............
ارض الاحلام دايما فوق .............
عمرها ما بتعيش ع الارض .............
زى الورد ماليه الشوك ..................
ونقطع ورقه ووراها ورقه ...............
زى ال كانت قبلها .........................
على سنه فيها تعدى ........................
يدق جرس النتيجه ويقول ..................
بلوك النتيجه انتهى ...بلوك النتيجه انتهى..
وكل عام وانتم بخير.......................
بقلم .....................(يحيى زكى)......